Tørrskodd over

No når vi har fått så fin plass med drivhuset hadde det vore fint å kunne gå tørrskodd over frå verandaen.

Før var det gras mellom versndaen og betongplattingen:

Så etter litt fram og tilbake med designet, så falt vi på dette:

Veldig fornøgd med resultatet. :)

Må flytte litt på belegningssteinane sånn at den følger den nye platten og lager ei plengrense som resten. Då blir det også naturlig å gå opp på platten der den er skrå. Må ha litt å styre med.. ;)

Endeleg drivhus!

No har vi kjøpt oss drivhus som eg har ønskt meg i mange år. Det er så fint! Juliana heiter det og er 7-8 m2 stort. Det har herda klart glas og ramma er laga av sedertre.

Platten og støttemuren har vi bygd for mange år sidan, så vi trengte kun å lage ein liten sokkel til drivhuset.

Her er det under montering. Vi har festa drivhuset til sokkelen med bolter som går gjennom treverket og nedi sokkelen.

Ferdig montert! Og vi er kjempefornøgde. Det var ganske enkelt å montere sammen. Vi brukte ein kveld på å montere sammen veggane og ein dag på glasrutene.

Dagen etter vi var ferdige med drivhuset drog vi rett på eit hagesenter og handla inn vekster. Tomater, paprika, urter, sitrontre og ei form for sitrustre. Kunne ikkje vente på det eg har sådd. 😉

Skal henge opp gardiner på sørsida av drivhuset for at plantane ikkje skal bli svidd. Skal finne eit lyst og lett stoff som slepp gjennom masse lys.

Gleder oss til sommeren no! 😊

Siste nytt frå verandaprosjektet

Sjølv om eg har vore gravid og ikkje har blogga på eit år, så har det jo skjedd saker og ting i hagen allikevel. Vi fekk gjort store ting med verandaprosjektet. Det var begrensa kor mykje eg kunne hjelpe til med, men eg var ein ræser med målband og skrumaskin! Her kjem nokre bilete som viser kva vi har gjort til no:

Vi leigde oss ei lita gravemaskin, så fekk mannen leike seg litt med den før vi starta på sjølve bygginga. Det var ein god del jordmasse som måtte fjernast før vi kunne gå videre. Masse som vi for nokre år sidan streva og bar og fylte opp med akkurat her fordi eg absolutt skulle ha det sånn...

Her har vi lagt duk, fylt på med singel, bygd ramma og lagt ein del av dragarane.

Her er det foreløpige resultatet!

Ganske likt sånn eg teikna det, kun små modifikasjonar:

Og mykje betre enn det var før vi starta:

Det kjem etterkvart til å komme ein vegg her også, pluss ei bod og eg drøymer om eit utekjøkken. :)

Prosjekt påbygging veranda

På baksida av huset, mot syd, har vi ein veranda som vi bruker veldig mykje.

Det er berre eit problem:

Vatn, vatn, vatn.

Det er nesten alltid vått på marka her,

sjølv med ei drenering som går omtrent der eg har gravd ut.

Derfor skal vi no i år grave vekk alt graset og molda her,

legge duk og fylle på med singel og bygge veranda over denne våtmarka.

Det vil sjå omtrent sånn ut:

Det blir så bra!

Gleder meg til å få kjempestor veranda som gjer at vi kan gå tørrskodd over

til den støypte platten vår som de ser i nedre bildekant til høgre.

På den skal vi etterkvart bygge oss ei hagestove/ kombinert drivhus?

Planlegging er gøy. :)

Programmet eg har brukt til å teikne verandaen finn du her:
http://plantagen-se.floorplanner.com/login

Lykke til!

Syrinplassen

Nok eit prosjekt er i gang i Ninas hage. :)

Eg kaller det syrinplassen, fordi det er planta syriner

i ein halvsirkel rundt den runde uteplassen.

Eg har eit gammalt sett med utemøbler som eg fann

på finn.no under gis bort, som eg skal gi ein makeover.

Dei skal få sin nye plass her og forhåpentligvis

bli mykje brukt neste år.

Her har eg lagt ut kantstein for å sjå om idèen til

det nye prosjektet er god nok til å starte på.

Det syns eg den vart og da er eg ikkje sein om å

ta spada fatt.

Her har eg spadd ut all den molda og steinen eg skulle,

med god hjelp av minstemann i familien; Smukkebanditten.

Det var overraskande god jord her, men det kjem

nok av at denne delen av tomta er fyllt ut med det øverste

laget av skråninga bakerst på tomta som var muld og lyng.

Eg har sortert ut all steinen av molda og tatt vare på

begge deler. Steinen vart brukt til å fylle ut i holet og

molda er lagt i ein diger haug borterst i hagen. :)

Steinen har komt i holet og ein del lecablokker vi hadde

til overs som berre låg og slang har eg pælma oppi her

og knust til passende biter så dei ikkje stakk for høgt opp.

Følte meg kjempebarsk der eg stod med slegga og knuste leca, hihi. :)

No skal resten fyllast opp med småstein og singel.

Har ikkje heilt bestemt meg for om eg skal legge heller

eller om eg berre skal ha singel her. Vi får sjå.

Her i nedre venstre bildekant er syrinplassen før

eg hadde starta. Syrinhekken gjekk i ei rett linje før,

men eg syntes det vart litt kjedelig og uromantisk.

Mykje bedre no, i halvsirkel. Må berre vente so

innmari lenge før den er stor og frodig!

Lurer på å kjøpe store syriner til 70% rabatt på

hagesenteret i stedet og bruke desse små andre plasser.

Velsigne tålmodigheita...

Byggverk i hagen

Anne på Moseplassen har en ny konkurranse på gang,

nemlig "byggverk i hagen".

Eg har jo massevis av store og små hageprosjekter,

så denne konkurransen passa midt i blinken. :)

Her er mitt bidrag, "gangstien og tørrmurbedet":

Gangstien og tørrmurbedet har i løpet av dei tre siste åra blitt ganske så frodige. Med tanke på utgangspunktet som de ser under her, så er det nesten utrolig:

Vi lurte ei stund på kva vi skulle gjere med dette området her, men det låg så mykje flott stein her, så eg satte igang å stable, uten sement (stolt!), med tanke på at eg kanskje kunne få til eit bed.

 Og bed vart det, eit stort og eit lite tørrmurbed.

Her kjem nokre bilder frå byggverket mitt no i år:

Kryptimianen har spredd seg godt utover rundt tråkkhellene. Eg passer på å gå bak nokon andre opp her når eg har sjans, sånn at eg får kjenne den herlige lukta som kjem når man tråkker på timianen. :) Midt i bildet ser de kaffesteinen min. Der kan eg sitte å kose meg med kaffe og så smått begynne å tenke på neste prosjekt i hagen.

Gangstien har naturstein til tråkkheller som eg har funne her på tomta vår. Eg har gravd, spadd ut grus og stein, spadd på igjen grus, rigla og lirka og pøta mykje(!) for å få desse til å ligge stødig på plass.

Alle steinane til høgre her er også lagt uten å støype dei fast, skjønt det kunne kanskje vore greit å ha gjort det, det følest berre som ei større bragd og legge arbeid i å finne akkurat den steinen som passer perfekt inn akkurat der! Det skal vere sagt at eg liker veldig godt å jobbe med stein som materiale. :)

Eg føler skikkelig eigerskap til dette prosjektet her.

Det var det første skikkelige prosjektet mitt i hagen vår og eg har gjort alt sjølv!

Ok, mannen min hjalp meg å frakte og legge på plass den aller siste steinen på toppen av gangstien. Den var så tung at den laga bulk i trillebåra berre av å ligge i den, så tusen takk til Ivar for den. ;)

Nytt prosjekt; borga

 I vår fekk ungane seg eit bed som vi kalla for barnas bed.

Det har i løpet av sommeren utvikla seg til eit mykje større prosjekt, som vi kaller for borga.

Eg har som sagt drømt om en hage med mange ganger og hemmelige rom. Dette prosjektet blir ein del av drømmen og samtidig ein flott leikeplass for ungane.

Fantasien er det ingenting i veien med, det dukker opp nye ideer heile tida, og dei havner straks på papir, med korrigeringer etterkvart sjølvsagt. :) Ofte ser det ikkje ut som på papiret når ideen er satt til livet heller,

men man må modifisere litt etterkvart som det dukker opp utfordringer, eller rettere sagt, nye og i mitt syn bedre ideer... ;)

Her får de sjå det lille barnas bed som fort vart eit mykje større prosjekt:

Det som er barnas bed ligg mellom hytta og det som skal bli borga.

Den delen av borga somligg nærmast hytta skal bli sandkasse.

Eg har her brukt stikkspade og starta å fjerne torva der eg skal ha eit stort bed.

 Så plutselig var bedet fullt av planter! :)

Eg har kanta beda med enkle betongsteiner for å gjere grasklippinga og lukinga lettere.

Dette bildet er tatt i dag.

Frodig og flott har det blitt dei siste dagane.

Eg har planta blant anna astilbe, prestekrager, marikåpe og ein solbærspirea (trur det er det den heiter, den  høge busken med mørkt bladverk), kjempefin kontrast til alt det grøne.

Den viste litt dårlig pga. den mørke plastduken i bakgrunnen...

På denne sida skal det ikkje vere bed,

men eg har planta ein lav hekk av Japanspirea.

Bak hekken der skal det stå ein benk.

Eg har lagt plastduk og skal trille x antall lass med singel opp hit som eg allereie har fjerna x antall lass med gras...eg må like trillebåra mi (eller svigerfar si) ekstremt godt merker eg. ;)

Hobby er hobby og cup er cup.

Fleire bilder og oppdatering frå borga kjem etterkvart! :)

Eg skal vise litt oppdaterte bilder fra hagen med steintrappa eg laga også,

pluss eit tips til noko ein kan lage av ein gammal gassgrill!

Følg med! :)

Barnas bed

 Heilt sidan vi var på gartneriet sist saman med ungane,

har eg tenkt at dei skulle hatt eit bed

som dei skulle få styre og stelle med,

velge planter til og vere med på å lage til fra grunnen av.

Eldstemann spurte nemlig om han kunne få ein plante

til plantesanlinga si. Eg spurte; -har du ei plantesamling da?

-Nei, men eg jo må starte ein plass, svarte han. :)

Så i dag starta vi.

Vi fann fort ut at den tomme hytteveggen var ein egna plass

for bedet. Den trenger litt oppkvikking.

Vi tok spadene fatt og trilla vekk tre lass med torv

og fylte på to sekker med jord.

Sånn.

No mangler det berre litt planter og kantstein,

så er bedet ferdig. Blir spennende å sjå om interessa

for planter blir vedvarende. Gøy å sjå at hagegleda mi

smitter over på ungane også. :)

Det varmer eit mors hjerte det!

Frukthagen tek form

Dei siste dagane har eg jobba med frukthagen.

Der har eg planta to plommetre og eit epletre.

Det er eit område med skråning og byr derfor på mange muligheiter!

Under mine prosjekter kan de finne plantegninga for frukthagen som eg har laga.

Her er steintrappa som eg har jobba med.

Det mangler berre eit par steiner no.

Det er så godt å gjere skikkelig grovarbeid!

Deilig å kjenne at ein virkelig har utfordra musklane.

Eg har velta, løfta, spetta, spadd og "brøtsja"

på plass alle steinane heilt på eiga hand.

Den nederste steinen her var ikkje å spøke med...

den trur eg at eg fekk på plass kun med stålvilje og rein staheit.

Alle steinane har eg funne på tomta.

Eg har laga bed på begge sider av trappa.

Eg har planta bla. rhododendron, hosta, astilbe og bregne her.

Opp langs trappa planta eg amerikanske blåbærbusker,

og i sprekkene mellom steinane har eg planta thymus og markjordbær.

Markjordbær veks naturlig her hos oss,

så eg har berre flytta nokon av dei. :)

Eg planta klematis og kaprifiol nederst i kvart sitt bed.

Dei kan fint brukast som bunndekkere,

for kan dei klatre, kan dei også krype. :)

Mellom bedet til høgre og singelen ved huset skal vi ha

ei stripe med plen for å få ned plenklipperen på ein enkel måte.

Vi skal ha gjerde frå topp til bunn av skråninga,

til sides for det venstre bedet.

Deilig å sjå at planane i haudet blir til noko! :)

Her ser de eit par bilder frå området før:

Det kjem ny oppdatering om ei stund,

når frukthagen forhåpentligvis har komt eit stykke lenger.

Det er planer om ein platting med ein benk øverst,

og den er i emning, men ligg ikkje i mine hender. ;)

Frukthagen

 Dette er eit middels stort prosjekt.

På langt nær så stort som trappebærhagen.

Men arbeid må til uansett. Her er frukthagen i mars 2011:

Snøv, men de kan skimte våre to plommetre og vårt epletre.

Nederst på marka ser de foringsplassen for småfuglane.

Epletreet er flytta litt lengre oppover no enn det er på bildet her.

Her er tanken min. Sånn vil eg ha det.

Dette er sett fra samme vinkel som bildet over, berre litt meir fugleperspektiv. Av det som er på bildet her, er det kun frukttrea og thujahekken som eksisterer pr. dags dato. Det skal lagast ein liten sitteplass her også.

Inngangen til frukthagen skal ha ein liten pergola med noko som klatrer, umulig å velge!

Dei fire rhododendronane har eg planta, men ikkje her, så dei skal flyttast. Dei vart kjøpt i fjor, så dei har ikkje "satt seg" endå. Grei sak å flytte dei. Så skal eg legge steinheller til gangsti. Eg har sett eit lite parti med skiferheller som er dumpa i fjøra, lett tilgjengelig, så eg kjem nok til å ta meg ein tur snart for å hente dei.

Det er ikkje så veldig mykje arbeid som står igjen her,

så eg håper dette prosjektet får seg ein skikkelig opptur i år!

OK, litt arbeid er det, men det er arbeid som er overkommelig. :)

Til slutt eit lite oversiktsbilde, sett fra sida

(eine kortenden på huset vårt grenser inn mot frukthagen her på midten):



Bærhage prosjektet mitt

Dette er eit stort prosjekt.

Sidan hagen vår er ny må alt lages fra grunnen av.

No er eg eit stabeist utan sidestykke, så sjølv utan noko særleg kunnskap om utførelse eller planlegging av store hageprosjekter, så kjem eg meg langt på vei allikevel. ;)

Vi har skrå nordvestvendt tomt med leirejord, så utfordringane er der, men med utfordringer kjem det også uante muligheiter og idèane fløymer over i haudet mitt. Ein av idèane mine var ein trappebærhage. Det mest vanlege å gjere med skråninger er vel å legge duk og sette ned masse planter, og det er fint det altså, men kvifor ha det mest vanlege alltid? Dessuten vil eg utnytte arealet til noko nyttig. Det var då idèen dukka opp.

Prosjektet er langt fra ferdig, men eg vil vise det foreløpige resultatet her no.



Omtrent så langt kom eg i fjor. Bærtrea stod før plassert på bakken nederst her, men den plassen skal brukast til ein liten kjøkkenhage no, så då måtte bærtrea finne seg ein ny plass. Det vart i skråninga. Eg starta nederst med å grave ut ei grøft der eg la ned eit drensrør, så sette eg på plass ei rekke med støypte betongklosser. Kvar kloss veg 50 kilo. Fylte deretter opp med singel bak, la heller oppå og planta seinere jordbær nedi klossane. Takk og pris for at mannen trilla singel til meg, for det er det gørraste arbeidet altså. Så grov eg tre store hol som eg la singel i bunn og fylte opp med god jord. Rulla dei 50 kilos tunge betongklossane (med hol i bunn) på plass og velta dei over hola. Så var det berre å plante solbær, rips og stikkelsbærtre nedi. Det ser ut som dei trivest, for dei spirer godt i år! Eg gjentok arbeidet videre oppover, men siste delen må eg ta i år.



Her er nederste rekka med jorbærplantane nedi. På enden her har eg planta ein kvit klematis og ei klatrerose, Coral Dawn. Dei skal vekse oppover buen som skal stå her ved inngangen til trappebærhagen. Den ligg berre å venter på å bli montert opp no i løpet av våren ein gong. Eg må muligens flytte rosa og klematisen nedi bakken, for dei er nok litt for utsatt for frost i desse betongklossane. Lurer på å sette opp eit lite stakittgjerde nederst her for å gjere det litt lunere for jordbæra og samtidig få eit fint skille mellom trappebærhagen og plenen.



 

Her har vi prøvemontert opp buen. De ser også søtkirsebærtreet eg har planta midt på marka, og syrinhekken i bakgrunnen. Den er foreløpig ganske liten, for den var planta i fjor haust. Området her skal rammast inn med stakittgjerde etterkvart. Forhåpentligvis i år.





Dette er tanken.
Trappebærhagen viser ikkje her, men de ser jordbærrekka og buen inn til den i bakgrunnen. Teikninga har eg laga sjølv med hjelp fra Plantasjen sitt hageplanleggerprogram. Veldig enkelt og kjempepraktisk å kunne lage sine egne tegninger uten kostnad!



Her fra andre siden.

Vi skal bygge to sånne kasser som vi skal så gulrøtter og andre grønsaker i. Dette skal bli ein lun koselig plass som vi kan kose oss med nyplukka bær og grønsaker under søtkirsebærtreet på varme sommerdager. :)



Bærhageprosjektet mitt

Under fanen mine prosjekter kan de no finne bilder og beskrivelse av bærhagen min som eg håper å få gjort ferdig i år. Ta en titt da vel! Evt. kommentarer eller spørsmål kan legges igjen her i dette innlegget. :)

Der ja...

...kom snøven, eit par timer etter at eg annonserte vår i hagen min...

No ser det sånn ut ute.

Her kan de sjå at vi eig ei ganske skrå tomt!

Den er litt av ei utfordring pga leirejord

i forbindelse med skråning.

Samtidig er det mange spennende muligheiter

med ei skrå tomt, noko som eg prøver å få til

å utnytte til det fulle.

Det vil komme en del bilder av prosjekta mine her,

men det må vente til våren og arbeidet i hagen

har kome igang igjen! :) Gleder meg!

Steintrapp

Ved enden av "den kinesiske" muren vår (sjå eldre innlegg), har den flinke mannen min bygd ei kjempeflott trapp av samme stein som muren er bygd i!

Det skal bli så flott her når vi får laga til rundt trappa også! Eg har planer om en hageportal her, men det er ikkje prioritert i år, eller kanskje ikkje neste år heller...vi får sjå! ;)

Nytt blomsterbed

I dag hadde eg tenkt å jobbe i trappebærhagen for å få den litt nærmere ferdig, men det var så sleipt av alt regnet at det var veldig vanskelig. Då bestemte eg meg for å jobbe på mitt neste prosjekt! Eit nytt bed ved den lille plattingen vår som er i enden av stien opp fra tørrmurbedet. Eg merka av med spade sånn ca korleis eg skulle ha det. Så spadde eg ut all torva og forbedra jorda med hagejord, kugjødselkompost og veksttorv. Sikkert litt i overkant, men sånn er det no. ;) Eg klarte forresten å treffe dereneringsrøret akkurat i kanten på bedet. Pussig nok sidan eg sjølv har lagt røret der...

Ca. tre-fire timer seinere (med innlagt matpause) var eg ferdig! Eg er så utålmodig at eg handler inn alt eg treng lenge før eg treng det. Men så er det veldig lettvint å ha alt liggende klart sånn at ein blir heilt ferdig med ein gong også da. :) No skal det berre nokre løker nedi jorda her, så er eg fornøgd.